بص حالى / بقلم على ياقوت

بص حالى

بص على حالى يدلك
من غير ماحد يقولك
ازاى يجيلك قلب
وتعمل كده فى خيلك
روح يارب البعد هناك
زى ماذلنى يذلك
ويسهرك الليالى
وبداء الشوق يعلك
وتشتاقلى واكتر
وتموت فيا كلك
وتدعى كل يوم
انى مرة اوصلك
اطفى نارك بايدى
او اكون محلك
بس ده كله صنع ايدك
وكبرك وغلك
محنا كنا عايشين
مالى بالهنا محلك
ليه تسمع كلام
يغشك ويضلك
 وتغدر بيا وتسبنى
ياناسى كل اهلك
روح الله يجازيك
والزمن يملك
وتبكى زيى كده واكتر
واللى حصالى
يحصلك

على ياقوت
مصر