الروح الجميلة/ بقلم على عبد الرحيم محمد

الروح الجميله
-------------
الروح الجميله
اللي بداوي القلوب العليله
اللي بتزرع الغناوي
فى الارض الحزينه
انا من مدينة الأحزان
أنا من طينة الحرمان
وقلبى بكل دقاته غرقان
ف بحور اهاته
لملمي دقاتي المتبعتره
وطبطبي على اهاتي المتأثرى
ألاقى ف قلبك حضن ياترى
انا فى عشقك ما لي حيله
الروح الجميله
انتى مين
يا قاتله القلب
وساحره الفكر والعين
ستين الف دقة بحبك
بين الثانيه والثانيتين
انتى مين اه مين
انسيا لا مش معقول
جنيا لا مش حاقول
حوريا من الجنه معقول
أيوه انتى حوريا ونور عنيا
وفرحتى اللي جايه
وحروف مشاعرى النبيله
وانا ف عشقك ما لي حيله
الروح الجميله
ياللي رابطه دقاتى
فى ضفاير شعرك بحبك
ياللي معانده اهاتي
فى قصايد شعرك ب ح ب ك
ياللي زارعه فدادين الورد
فى مشاعرك وهمسك
من جمال بوحك وسحرك
قلبى بيدقلك وبيقولك
ستين الف دقة بحبك وبحبك
بين الثانيه والثانيتين
انتى مين. اه مين
يا ساكنه نبضى ياعشق عمري
انا لو كتبتك ف حروف شعري
حاكتب الف قصيده وقصيده
فى الروح الجميله
انتى مين اه مين
اكيد من كوكب تانى
جايه ف ارض احزانى
ف عالم حرمانى
تزرعى الفرح
 وداوى جرح السنين
وتروى ارضى العطشانه
وتصحى عواطفى النعسانه
من العصور القديمه
الروح الجميله
لملمي دقاتي المتبعترى
وطبطبى على اهاتي المتأثرى
الاقى ف قلبك حضن ياترى
انا ف عشقك مالي حيله
الروح الجميله
عن قلبك مش حاخبى
طفل رضيع قلبى
وشاب بيضيع  نبضى
وشايب مجنون حسى
لملمي اللي فاضل مني
وبقلبى يا قلبى حسي
يا تسبيني انا وياسي
مع قسوة  وحرمان الغيمه
انا فى عشقك مالي حيله
الروح الجميله
على عبدالرحيم محمد