تصفية حساب /بقلم سعيد السكران

تصفية حساب
......... .....

يابو الكرم والجود
ووجعك نهر  وفاض ماله
سدود...
وخارطة لأرض مالها
حدود...
ومش..راحم ولامفرق
بين...
شيخ..ولامولود
كفاياني وبيكفي..
لأني...
يادوب أنسان...
ف ليه  يازمان علي
مستقوي و مستعفي..؟
ومش راحم ليه
ولاشايف.
في يوم ضعفي..
وواقف وحدي قدامك
ومفيش غيري انا
في صفي
وبحلم يوم
يروق
بالي.
وأكون من الهموم خالي
ده أنا لو ...
حاوي ومخاوي
أودجال بتاع أعمال
ونصبت عليك....
فكان حقك يكون
بينا حساب وليه
تصفي...
وبيد حديد...
تروح وتزيد.بظلم شديد
وف كيلك نقول حقك
تطبب فيه وتوفي
لكني...
بقول محتاج لعين عطفك
أو فرحة ف يوم غلطة
ولنار الصدور تطفي
أو  ألشفقة.. تصيبك يوم
فتنسانا...
وحقك ..كله بالكامل
  اكيد
وصلك خالص
ومتشفي..
ودعانا في صبح وليل
لرب الكون..
ونجوانا..
أنه..يعافينا من
غدرك
وعني وعن العباد
يعفي..

بقلم..
سعيد السكران