ليه/بقلم الشاعر على ياقوت

ليه

ليه حملت نفسك
 فوق طاقتها
جبت ليها هم
 الهوى وقليت راحتها
كنت فاكر
انها نظرة ورمتها
ولا كلمة فى
 يوم هنا غنتها
ولا حتقطف وردة
ولحبيب  هدتها
لقيت نفسك فى دوامة
مانتش قدرتها
وكل يوم ورا يوم
 بتذيد قسوتها
عليك وعلى
 قلبك ومن ساعتها
لا شفت راحة ولا شمتها
تستاهل ياانا
من اللى هويتها
غلطت فى نفسك
وتاهت بيك حسبتها
ودا اللى بنخده من الهوى
ودى اخرتها
واديك ماشى فى نفس
السكة اللى
ماشتها
لا حد عذرك فى هواك
من يومتها
خليك بقي فى الدنيا
وعيش عيشتها
يمكن يجي يوم
وتغير نهايتها
وتقبلك ياقليل الحظ
ب ناس حبيتها
يعرفوا قيمتك ولو مرة
ويحسوا بيك ولو مرة
ويخففوا عنك
ايام عنيتها
وترتاح من هم هواك
وتروح لدنيا حباك
وجراحك اللى
داوتها

على ياقوت
مصر