لما ضاقت قلت/رثاء الشاعر احمد جبريل

رثاء لاخي/المرحوم احمد جبريل
لما ضاقت قلت اخ
قالو كلامك كله صح
دا السلاح لو بالزناد
من غير كتف وسند
ابدا مايقولش طخ
يعني حد ليك يعينك
تديله عمره من سنينك
اخص عليكي يادنيا مح
سبتي كل حاجه ليافيكي
واخدتي ابني واغلي اخ
دي البهيمه الاول يدبحوها
وانتي ابتديتي فيا سلخ
ليه يا دنيا بقيتي قاسيه
ليه عملتي في قلبي شرخ
تقلتي علي في عمايلك
وليه كسرتي ليا ضهري
وليه خليتي جملي نخ
بعد ما كانت ارضي صلبه
ليه خليتي قدمي ساخ
بعد ماكانت الضحكه عليه
مابقي غير الصراخ
بعد ماكان الفكر صايب
ليه دلوقت الجسم داخ
بعد ماكان الحلو حلو
ليه دلوقت طعمه باخ
الشاعر/عزالدين جبريل