ابتهالات/ بقلم الشاعر مجدوب الرمى

ابتهالات...

يا ربي يا مجيب
حفظ هاد الواطان
بجاه النبي الحبيب
تمشي علينا لحزان
نتا يا ربي الطبيب
نورك مضوي لمكان
داوي عبادك ف الغيب
بجاه النبي العدنان
لي قصدك ما يخيب
حالو يصفى و يزيان
رحمتك هي النصيب
يا الكريم المنان
بيها لجراح تطيب
بيها يبرا الإنسان
هزيت كفوفي ليك
يا العزيز الرحمان
نبكي و نشكي عليك
غلبني هاد الزامان
يا حي يا قيوم
رحمني حالي يزيان
نتهنا من لهموم
يعود لحياتي عنوان
راني فالذنوب نعوم
جيت طالب الغفران
ليك نصلي و نصوم
و نقرا آنا القرآن
يتفاجى حالي اليوم
نترجاك يا رحمان
ليك نقرب و نتوب
نبعد على العصيان
نغلى عندك فالسوم
يا الكريم المنان
نبعد على الذنوب
نعيش حياتي مزيان......
 

بقلمي : مجدوب الرمى