الام مدرسة/ بقلم محمود رمضان

(( الام مدرسة)) 
   امى يا قلمى وكراسى
  حبيبتى يا ما وتاج راسى
    رسالة بقولها لكل ام
      قلبها بيطبطب ويضم
   ياللى عايش من غير ام
     حالك فى الدنيا يغم
   عايشن فيها ايام وسنين
 مين اللى حاسس بيها مين
   تايهين فى الدنيا تايهين
    واحنا  معنا  كنز عظيم
    رزقنا بيها رب العالمين
     بس مين بيحس مين
    الام يا ناس شئ عظيم
    حبك ياما ملوش حدود
  من غيرك ياما ملناش وجود
     امى يا قلمى وكراسى
    حبيتى ياما و تاج راسى
   اسقينى من حبك اسقينى
     يا بلسم ديمن يشفينى
    حبيبتى ياما يا نور عينى 
 من غيرك ياما ملناش مكان
  فى حياتنا ياما انتى الأمان 
       الدنيا لو المر مليها
     بى وجودك ياما يحليها
  ولو روحتى ياما وسيبتيها
     كل  الوجع يسكن فينا 
   ياللى فى الغربة  نسيها
   انزل ياواد بسرعة وبوس ايدها
  قبل ما يسباقك ملك الموت
       وتندم باقى العمر عليها
       قولها ياما ضمينى
    فى حضنك ياما حطينى
      ومن حنانك  اسقينى
    يا احلى أيامى وسنينى
    اولاد كتير قاسين عليها
    عايشن مش حاسين بيها
    ومفضلين نسونها عليها
       الكل يروح يرضيها
       الجنة  تحت رجليها
    ياللى أمك كبرت راعيها
       واخدمها وحس بيها
   اوعى فى دار المسنين ترميها
        ربك كبير وعالم بيها
         بكرة عيالك يرموك
         وتلقى نفسك زيها
        لما الام ياناس بتروح
        القلوب بتزيد جروح 
      حبيبتى ياما يا نور عينى
     من حبك يا غالية اسقينى
       يا بلسم ديمن يشفينى
      أمى يا قلمى وكراسى
       انتى حبيتى وتاج رأسى
  محمود رمضان