- ( العالم محتاس ) م/عبدالحميد سالم
وكأن كرونا جايلنا الدنيا ترجعها شباب
بتدور على كل جد وجدة وأبو شعر شاب
ويارب تنفد منها يا جدو واطلع أنا كداب
بس اتكن ف البيت واقفل على نفسك باب
*****
م تسيبك من قعدة القهاوى وهروب م البيت
لو انت مش خايف على نفسك تبقى إتجنيت
مهى مناعتك يا جدو ضعيفة وهتعدى كتير
وساعتها لا تنفعك الشيشة ولو بالدم بكيت
*******
وانتى يا ست الكل لمى عيالك واقفلى ترباس
ونظافتك دى أهم علاج لكرونا ف عالم محتاس
شوفتى اللى بيحصل ف إيطاليا نتبجة الإهمال
وادعى ربنا إنه يعديها على خير على كل الناس
ليست هناك تعليقات:
إرسال تعليق