قابلينى فى حطين/بقلم السيد محمدابو طاحون

قابلني في حطين  *** بقلم السيد محمد ابوطاحون
*********
راجع صلاح وجمال
والشهدا بالملايين
واقفين
اسود
 جاهزين
 في نن عين الحقيقه
مش في الخيال

من فضلك
دقيقه
أجمع ولادك
كل يوم الصبح
على نشيد
 اغنيه
او موال

عربيه
يا ست البلاد
يا فلسطين
م البحر حتى النهر
وعفيه
والنيه
قبل الصلا والصوم
وقبل والجهاد
يوم الهجوم ع القهر

هلي
من بين الضباب
بعتري كل السراب
جلجلي
 فوق التراب
هلي
يا ساعة الحساب
قطعي رقاب اللي باع
 كل من
 خان القضية
الحرامي الجاسوس
اللي باع أمه وابوه
واللي شارب دم اخوه
اللي خان كل العهود
لما غنى للخنازير
 والقرود !
وشرب كاس الفساد

الرؤيه بانت
خلاص
هلي يا ساعة
الخلاص
النصر بيخبط
على الابواب
نادي  على
 الشهداء والاوليا
والاحباب

يا صاحبي قوم
من النوم
فاضل يومين
قابلني
يوم الزينه
في حطين
*********
#قابلني_في_حطين
#السيدابوطاحون
#الأخنوم