ماعلى بالى/ بقلم الادريسى محمد

ما على بالي
      غدرك يجي غفلة
خنجر يطعن فدخالي
  عنكبوت خيوط مشكلة
هديتك بلساني
  عسل شهدة مأصلة
وهدتيني بكلامك
     لمصدي حدج ودفلة
درتيني بين إيديك
  طراف من ثوب مفصلة
خاتم بين صباعك
   تحركو وقت الحصلة

جرحتي ديك الخاطر
     لي عيونها مكحلة
خليتي الدمع يتقاطر
        تخلط لونو شهلة
كنت ليك طريق مخاطر
     قنطرة وسط الحملة
دروج يطيب الخواطر
   يهديك من الحب جملة
شفتك وردة ما تدبال
  فقلبي جدورها معلمة
سقاها سمك القتال
    ردها سدرة معرمة

مزال بروج ايامي
     ترضك ليا معتال
يكويك لجمر الحامي
 زرعو كلامك المحتال
ما كان على بالي
   تصنع من همي حفلة
ولعسل لي فلساني
      درتيه لبابك  دخلة

الادريسي محمد
04 03 2020