وقت الشده / بقلم مجدوب الرمى

وقت الشدة....

في وقت الشدة كا يبانو لحباب
كا يتفرز فعينيك الرخيص من الغالي
كا يبان و يتعزل الذهب على التراب
و ذاك لي معدنو مزور كا يرجع تالي
 الشريف يبقى شريف النقى و الصواب
جنبك يكون حاضر ليك و لأمرك والي
ملي تسولو ديما كا تلقى عندو لجواب
على سلامة الواطان بي عمرو يشالي
يا ربي تحمي جميع الشابات و الشباب
و تحمي ذاك لي شحال من وقتو عطى لي
يرجع لحبابو مسكين من بعد الغياب   
نجمو يسطع يظهر و يبان في لعلالي
دوك لي ديما معانا كثر من لصحاب
تحميهم يا ربي و حفظ واطاننا الغالي
ديما حدانا في جنبنا نلقاوهم قراب
يطلع سومهم و يولي عندك غالي
ربي يحفظ جميع الحاضر و لي غاب
و ذاك لي سهران وحيد في جبل عالي
حاضي الحدود حاضينا و حاضي التراب
غايب ليل و نهار لولادو كاعما مسالي
يا ربي تستر دوك لي بعاد و لقراب
حفظهم يا الكريم يا ربي يا العالي
نحمدوك و نشكروك على هاد المكتاب
نترجاوك تحفظ مغريبنا العزيز الغالي

 

بقلمي : مجدوب الرمى