كروانه/بقلم على عبدالرحيم محمد

كروانه
-------
يا ليل يا ليل
ياللي بتعشق غنى المواويل
يا ليل يايا ليل
انت معايا من بدايتي
باهته ليه ملامحي
حزينه ليه اه ليه حكايتي
مين انا وفرحى فين هوا
لو كان حزن قلبى من بنت حواء
الافضل يا قلبى تكون نهايتي
يا ليل. يا يا يا ليل
كروانه يا كروانه
مركبتى ف بحرك غرقانه
وعلى شط سحرك هيمانه
وشمسى ف ضلك نعسانه
وبقدف بعواطفى العطشانه
ايه اللي جرالي اه يا انا
بغرق ف عشقك يا كروانه
وانا قلبى بحار
كروانه يا كروانه
قلبى يا عصفور ياابو دق مغرور
من يومك وبينك وبين شجر الفاكهه
الف حد والف سور
بتعشق ليه بنات الحور
الومك ولا الوم يوم عشقها المسحور
لا انا قادر ابعد ولا قادر اقرب
لفين يا كروانه من عشقك اهرب
وانتى لقلبى اقرب
من الاحساس والشعور
لفين يا كروانه من شقاوتك اهرب
وقلبى بيغزلك الف طرحة حب
متطرزه من اخلاص ونور
لفين يا عمر قلبى ابعد
وقلبى بيرسم لك لوحة حبك
فرحة الحزين لما يطلع  عليه النهار
وتضحك له السنين وتحضنه الدار
وتنام عنيه الحيرانه
ايه اللي جرالي اه يا انا
بغرق ف عشقك يا كروانه
وانا قلبى بحار
كروانه يا كروانه
يا ليل ابعد كروان غناها
ياليل ابعد حنان لغاها
ياليل اعند مع اللي بتمناها
وقول لي ازاي انساها
كروانه.   يا كروانه
على عبدالرحيم محمد